اولا، انا نفسي عندي مدرب وشفت الفرق في الانجاز والتركيز مع وجود المدرب، حتى بعد انتهاء التدريب. بالنسبة لي كانت المشكلة في الاستمرارية واني اخلص الشي اللي بديته مثل ما خططت له.

ثانياً، تبنيت مبدأ “ليش العذاب” وقررت اذا في مصدر او شخص ممكن يوفر علي وقت (يوصلني للحل اسرع) و يوفر علي فلوس (بدال لا اقط على محاولات فاشلة) ويوفر الجهد (يعرف الاختصارات للطريق لانه مار فيه من قبل) فا ليش ابدي من الصفر؟، ابدي من حيث انتهى الآخرون.

 

أهم ادواري معاك كمدرب:

• اعلمك المهارات الاساسية اللي تحتاجها للنجاح في السوق، بدون التنظير والفلسفة اللي ما تزيد رصيدك فلس.

• توفير الوقت والجهد في الوصول للاجابات او المعلومات و المصادر اللي تسهّل حياتك في الشغل.(مشروعك لازم يكون مصدر دعم للحياة اللي تحب تعيشها مو العكس)

• تصميم خطة نمشي عليها ونتاكد من طريجنا، اكره شي انك تحس انك تايه وماتدري من وين تبدي او تكمل اي درب.

• المتابعة المستمره بهدف الدعم واحيانا التحفيز واعادة التركيز على الأهم.

• الاحساس انه في شخص يشتغل معاك وجزء من فريقك اللي تبني معاه نجاحك.